Mazkur vazifalar ijrosini ta’minlash maqsadida Xalq deputatlari Uchko‘prik tumani Kengashi kotibiyati mudiri Laziz Turanov, deputat Avazbek Raxmonov hamda Ekologik partiya tuman kengashi raisi Abdulg‘ofur Axmadjonov tomonidan 17-Qo‘qonboy saylov okrugi hududidagi ijtimoiy soha
obyektlarida o‘rganish ishlari olib borildi. 

Xususan, Mullazoir qishlog‘ida joylashgan 40-umumiy o‘rta ta’lim maktabida “Ta’lim uchun qulay muhit” dasturi doirasida amalga oshirilayotgan ishlarning borishi o‘rganildi. 

O‘rganish davomida maktabning yangi 2026–2027-o‘quv yiliga tayyorgarlik holati, ta’lim oluvchilar uchun yaratilgan shart-sharoitlar, bino va inshootlarning texnik holati, obodonlashtirish va ko‘kalamzorlashtirish ishlari, sanitariya-gigiyena talablari hamda mavjud muammolar holatiga alohida e’tibor qaratildi. 

Mas’ullar bilan suhbat davomida ta’lim muassasasida aniqlangan kamchiliklarni bartaraf etish, o‘quvchilar uchun xavfsiz, zamonaviy va qulay ta’lim muhitini yaratish yuzasidan tegishli tavsiyalar berildi. 

Deputatlik nazorati doirasidagi bunday o‘rganishlar hududdagi ta’lim muassasalarida yaratilayotgan shart-sharoitlarni yaxshilash, mavjud muammolarni o‘z vaqtida aniqlash va ularning amaliy yechimini ta’minlashga xizmat qiladi. 

  👇Bizni kuzatishda davom eting👇 

🇺🇿 Xalq deputatlari Uchko‘prik tumani Kengashi