Xalq deputatlari Bag‘dod tumani Kengashining "6-Zafarobod" saylov okrugi deputati M.Ergashev, Kengash Kotibiyati mudiri G‘.Abdulayev hamda Kengash Kotibiyati bosh mutaxassisi A.Ismoilov tomonidan "Zafarobod" mahalla fuqarolar yig‘inida profilaktika inspektorining xizmat faoliyati o‘rganildi.

O‘rganish davomida mahalla profilaktika inspektori A.Mamasiddiqovning 2026-yilning 6 oyi davomida amalga oshirgan ishlari atroflicha tahlil qilindi. Jumladan, hududdagi kriminogen vaziyat, jinoyat va huquqbuzarliklarning oldini olish, fuqarolar murojaatlari bilan ishlash, profilaktik tadbirlarning samaradorligi hamda jamoat xavfsizligini ta'minlash borasida olib borilgan ishlar muhokama qilindi.

Hisobot davrida mahalla hududida biror marotaba ham jinoyat sodir etilmaganligi va hudud "yashil" toifada ekanligi alohida qayd etildi.

O‘rganish yakunida mahalla hududida huquqbuzarliklar profilaktikasini yanada kuchaytirish, aholi bilan manzilli ishlash va jinoyatchilikka qarshi kurashish samaradorligini oshirish bo‘yicha tegishli tavsiya va takliflar bildirildi.