O'zbekiston Respublikasi Prezidentining PF-209-sonli Farmoni ijrosini ta'minlash va mahalla institutining rolini oshirish maqsadida, hudud deputati Abdujabbor Djurayev tomonidan "Navro'z" mahallasi hokim yordamchisining faoliyati har tomonlama o'rganildi.
O'rganish davomida quyidagi asosiy yo'nalishlar maxsus savolnoma asosida birma-bir va chuqur tahlil qilindi:
Tadbirkorlikni rivojlantirish: Mahalladagi kichik va o'rta biznes sub'ektlarini qo'llab-quvvatlash hamda yangi tadbirkorlik sub'ektlarini tashkil etish imkoniyatlari;
Aholi bandligi: Ishsiz aholi, ayniqsa xotin-qizlar va yoshlar bandligini ta'minlash, ularni daromadli mehnatga jalb qilish choralarining natijadorligi;
Ijtimoiy qo'llab-quvvatlash: Mahalladagi ehtiyojmand oilalarga ko'rsatilayotgan ko'mak va ularning daromad manbalarini shakllantirish jarayoni.

Deputat Abdujabbor Djurayev mahalla hududida amalda bajarilayotgan ishlar bilan birga, yechimini kutayotgan bir qator dolzarb muammolarni ham aniqladi. Barcha masalalar va fuqarolardan tushgan murojaatlar deputat nazorat daftariga alohida qayd etilib, tegishli tashkilotlar orqali tezkor va sifatli hal etilishi uchun ijro nazoratiga olindi.

Mahallada el manfaati va aholi farovonligi yo'lida olib borilayotgan bu kabi nazorat va tahlil tadbirlari izchil davom ettiriladi.