Deputat fuqarolar bilan uchrashuv o'tkazdi

Xalq deputatlari Termiz tuman Kengashi 18-Do‘stlik saylov okrugi deputati A. Abdullayev o‘zi saylangan Do‘stlik MFY hududida istiqomat qiluvchi fuqarolar bilan navbatdagi uchrashuvni o‘tkazdi.

Uchrashuv davomida fuqarolar tomonidan bildirilgan murojaat, taklif va muammolar tinglanib, ularni hal etish yuzasidan tegishli choralar belgilandi. Ko‘tarilgan masalalar yuzasidan mutasaddi tashkilotlar bilan hamkorlikda amaliy ishlarni tashkil etish bo‘yicha zarur tavsiyalar berildi.

Shuningdek, uchrashuv yakunida deputat tomonidan 2026-yilning birinchi yarim yilligida deputatlik faoliyati doirasida amalga oshirilgan ishlar, ko‘rib chiqilgan murojaatlar hamda erishilgan natijalar yuzasidan fuqarolarga batafsil axborot taqdim etildi.

Bunday uchrashuvlar aholi bilan ochiq va samarali muloqotni ta'minlash, ularning muammo hamda takliflarini o‘z vaqtida o‘rganish va ijobiy hal etishga xizmat qiladi.