Investitsiya loyihasi ijrosi joyida o‘rganildi

O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, shuningdek, oliy darajadagi tashriflar yakunlari bo‘yicha ishlab chiqilgan “yo‘l xaritalari”da Termiz tumanini ijtimoiy-iqtisodiy rivojlantirish yuzasidan belgilangan vazifalar ijrosini ta’minlash maqsadida manzilli o‘rganish ishlari olib borildi.

Xalq deputatlari Termiz tuman Kengashi 4–Yangihayot saylov okrugi deputati G. Shafoatova hududidagi “Yangihayot” mahallasida amalga oshirilayotgan “CHORIBOBO MARKET” MChJ tomonidan to‘yxona va restoran tashkil etish investitsiya loyihasining bajarilish holati tuman Kengashi mutaxassisi T. Murodov hamda tuman Investitsiyalar va tashqi savdo bo‘limi mutaxassisi K. Sag‘izov ishtirokida joyiga chiqqan holda o‘rganildi.

O‘rganish davomida loyiha ijrosining borishi, qurilish ishlari, belgilangan muddatlarga rioya etilishi, yaratilayotgan ish o‘rinlari hamda loyihaning o‘z vaqtida foydalanishga topshirilishi yuzasidan mas’ullar bilan muhokamalar o‘tkazildi. Aniqlangan masalalar bo‘yicha tegishli tavsiyalar berilib, loyiha ijrosi nazoratga olindi.