Xalq deputatlari Paxtakor tumani Kengashi deputati J.Uzaqov Paxtakor tumanidagi “AGRO CHORVA PAXTAKOR” MChJ faoliyatini, undagi qurilish va ta’mirlash jarayonlarini ko‘zdan kechirdi.

Tashrif davomida korxonaning ishlab chiqarish holati, qurilish va ta’mirlash ishlarining borishi, yaratilayotgan sharoitlar, ishchi kuchining bandligi hamda mavjud imkoniyatlar batafsil o‘rganildi.

Qurilish maydonchasidagi ishlar sifati, ishlatilayotgan materiallar holati, texnika va uskunalarning ishlashi, shuningdek belgilangan muddatlarga rioya etilishi diqqat bilan ko‘rib chiqildi. Korxona hududi, binolar va atrof-muhit holati ham nazorat qilindi.