Eng ulug‘, eng aziz ayyom – Mustaqillik bayrami tobora yaqinlashib kelyapti. Bayram arafasida yurtimiz bo‘ylab xayru saxovat tadbirlari keng quloch yoymoqda.

O‘zbekiston Respublikasi mutaqilligining 35 yillik shodiyonalari arafasida Mirzo Ulug‘bek tumanidagi “Alisher Navoiy” mahallasida bayram dasturxoni yozildi.

Tadbirda Xalq deputatlari Mirzo Ulug‘bek tumani Kengashining 20-“Alisher Navoiy” okrugi deputati, O‘zbekiston “Milliy tiklanish” demokratik partiyasi a’zosi Yoqutxon Madjidova, mahalla vakillari va faollari ishtirok etdilar.

Bayram dasturi fayzli bayram dasturxoni va ko‘tarinki kayfiyat uyg‘otgan musiqiy ko‘rinishlar bilan boyitildi. Tadbir davomida yurtimiz mustaqilligi yillarida erishilgan yutuqlar, tinchlik va taraqqiyot qadriyatlari haqida samimiy suhbatlar bo‘lib o‘tdi.

Deputat Yoqutxon Madjidova yig‘ilganlarni qutlug‘ ayyom bilan tabriklab, mustaqillik — xalqimizning bebaho ne’mati ekanini, uni asrab-avaylash va yurtimiz ravnaqiga hissa qo‘shish har birimizning burchimiz ekanini ta’kidladi.