#deputat_faoliyati
#doimiy_komissiya_faoliyati
#kotibiyat_xodimi_faoliyati
#162ta_qonun
#biriktirilgan_tashkilot

Bandixon tumanida deputatlik nazorati: Pensiya bo‘limida "Fuqarolarni davlat pensiya ta’minoti to‘g‘risida"gi Qonun ijrosi tahlil qilindi

Bandixon tumanida deputatlik nazorati hamda 162 ta Qonunlar ijrosini amaliyotga to‘g‘ri tatbiq etish, biriktirilgan davlat organlari va tashkilotlari faoliyati samaradorligini oshirish borasidagi nazorat-tahlil tadbirlari izchil davom ettirilmoqda.

Xalq deputatlari Bandixon tumani Kengashi kotibiyati bosh mutaxassisi E. Eshonqulov tuman Kengashi deputati O.Ishpo‘latovga biriktirilgan tashkilot — Bandixon tumani Pensiya bo‘limida bo‘lib, muassasa faoliyatini har taraflama o‘rgandi.

O‘rganish O‘zbekiston Respublikasining “Fuqarolarni davlat pensiya ta’minoti to‘g‘risida”gi Qonunidan kelib chiquvchi vazifalar ijrosi hamda sohada fuqarolarga davlat xizmatlarini ko‘rsatish sifatini baholash maqsadida tashkil etildi.

Monitoring davomida fuqarolarga pensiya va nafaqalarni tayinlash, ish stajini hisoblash va ma’lumotlarni raqamlashtirish jarayonlari, elektron tizimlarning barqaror ishlashi hamda fuqarolar murojaatlarini ko‘rib chiqish tartibi atroflicha tahlil qilindi. Shuningdek, bo‘limga tashrif buyurgan nuroniylar va fuqarolar bilan muloqot o‘tkazilib, ularning sohadagi xizmatlar bo‘yicha e’tiroz va takliflari tinglandi.

Tashrif yakunida aniqlangan kamchiliklarni bartaraf etish, pensiya ta’minoti sohasida shaffoflik va tezkorlikni ta’minlash hamda qonunchilik talablariga qat’iy rioya qilish yuzasidan Pensiya bo‘limi rahbar va xodimlariga tegishli amaliy tavsiyalar berildi.