Fuqarolar murojaatlari joyiga chiqib o‘rganildi

Xalq deputatlari Termiz tuman Kengashi 13-Mehnatobod saylov okrugi deputati N. Ilmurodova tomonidan saylangan Navro‘z MFY hududida fuqarolar murojaatlarini o‘rganish maqsadida tuman Kengashi mutaxassisi K. Abdullayeva ko‘chama-ko‘cha yurib, aholi bilan uchrashdi.

O‘rganish davomida fuqarolar tomonidan bildirilgan murojaat va takliflar tinglandi. Aniqlangan muammolar joyida qayd etilib, ularni bartaraf etish yuzasidan tegishli tashkilotlarga kiritish uchun takliflar shakllantirildi.

Fuqarolar bilan ochiq muloqot davomida ularning fikr va mulohazalari inobatga olinib, hududdagi mavjud muammolarni hal etish hamda aholi manfaatlarini ta’minlash deputatlik nazoratida ekani ta’kidlandi.