Xalq deputatlari Zomin tuman Kengashi deputati G.Maxsudova tuman hokimi o‘rinbosari N.Omonova bilan birgalikda hududda yoshlarni oilaviy hayotga tayyorlash, ularning huquqiy va ma’naviy bilimlarini oshirish maqsadida “Oila poydevoring mustahkam bo‘lsin” mavzusida yosh nikohlanuvchilar bilan suhbat o‘tkazdi.

Suhbat davomida yosh oilaning mustahkamligi, oilaviy munosabatlarda o‘zaro hurmat va ishonch, er-xotinning huquq va majburiyatlari, oilaviy mas’uliyat hamda sog‘lom ma’naviy muhitni shakllantirish masalalariga alohida e’tibor qaratildi.

Shuningdek, yoshlarni oilaviy hayotga puxta tayyorlash, turli nizoli holatlarning oldini olish, farzand tarbiyasida ota-onaning mas’uliyati va oilaviy qadriyatlarning ahamiyati yuzasidan fikr-mulohazalar bildirildi.