DEPUTAT MAKTABDA BO‘LDI

Xalq deputatlari tuman Kengashi deputati, Kengashning reglament va deputatlik odob-axloqi  masalalari bo‘yicha doimiy komissiyasi raisi A. Tavboyev 11-"Emalach” saylov okrugida joylashgan 7-umumta’lim maktabida bo‘ldi. Maktabdagi ta’lim-tarbiya ishlari bilan tanishdi. Jumladan, maktabdagi kutubxonada olib borilayotgan ishlar, o‘quvchilarni kitobxonlikka qiziqtirish, ijodkor o‘quvchilarning bugungi kundagi  o‘y-xayollari, kitoblarga munosabati haqida suhbatlashdi.  Shuningdek, maktabda ota-ona qaramog‘idan mahrum bo‘lgan o‘quvchilarning maktabdagi o‘qishlari, bahosi, darsni o‘zlashtirishi borasida qiziqdi. Shu kabi maktabda kelajakda ijodkorlikka qiziquvchi yoshlar bilan ishlash, maktab o‘quvchilarining teatr to‘garagi tashkil qilish, kitobxonlikni oshirish borasida kelishib olindi.