Xalq deputatlari Toshloq tuman Kengashi mudiri M.Qoraboyeva va tuman Kengashi deputati D.Ismoilovlar tumanda Tashabbusli budjet loyihasi doirasida Besarang mahalla fuqarolar yig‘ini hududida joylashgan 32-umumiy o‘rta ta’lim maktabida 180 o’rinli qo’shimcha o‘quv binosi hamda zaruriy jihozlar bilan ta’minlanganligi darajasini o‘rgandilar.

Yangi o‘quv binosi va jihozlardan foydalanish jarayoni o‘qituvchi va o‘quvchilar uchun qulay sharoitlar yaratishi, ta’lim sifatini oshirishi va maktabning moddiy-texnik bazasini mustahkamlashga xizmat qilishi qayd etildi.

Shu bilan birga, kelgusida yangi o‘quv binosidan samarali foydalanilishni ta’minlash, jihozlarning muntazam texnik nazoratini o‘rnatish va o‘quv jarayonida qo‘shimcha innovatsion usullarni joriy etish bo‘yicha tavsiyalar berildi.