Sifat va nazorat — doimiy e’tiborda

Xalq deputatlari Qo‘shko‘pir tuman kengashi deputatlari — R. Ismoilova, O. Karimov va G. Ro‘zmetovalar tomonidan tumandagi “Ko‘ktom” va “Qadriyat” mahallalari hududida joylashgan umumta’lim maktablarida boshlang‘ich sinf o‘quvchilariga tashkil etilgan nonushtalar sifati hamda keytring xizmatlarining sanitariya-gigiyena talablariga muvofiqligi yuzasidan o‘rganish ishlari amalga oshirildi. O‘rganishlar davomida tadbirkorlar tomonidan tayyorlanayotgan nonushtalarning sifati, mahsulotlarning yaroqlilik muddatlari, saqlash sharoitlari va oziq-ovqat xavfsizligi talablariga rioya etilishi atroflicha ko‘zdan kechirildi.

Deputatlar tomonidan keytring xizmati va maktab ma’muriyatiga bolalar ovqatlanishida sifatni yanada oshirish, mahalliy va tabiiy mahsulotlar ulushini ko‘paytirish, oziq-ovqat xavfsizligi ustidan ichki nazoratni kuchaytirish yuzasidan takliflar bildirildi.