Sessiya kun tartibida 2026-yil erkin qoldiq mablag‘lari hisobidan hududdagi ko‘p qavatli uy-joylarni kuz-qish mavsumiga tayyorlash, ularning tashqi fasad qismini joriy va kapital ta’mirlash ishlarini amalga oshirish uchun mablag‘ ajratish masalasi ko‘rib chiqildi.

Shuningdek, 2026-yilda tumanda alkogol mahsulotlarini realizatsiya qilish huquqi hamda umumiy ovqatlanish korxonalari tomonidan alkogol mahsulotlarini realizatsiya qilish uchun yig‘imlarning cheklangan stavkalarini oshirish masalasi muhokama qilindi.

Bundan tashqari, xalq deputatlari tuman Kengashining doimiy komissiyalari tomonidan 2025-yil davomida olib borilgan ishlar yuzasidan hisobotlar eshitildi.

Sessiya yakunida kun tartibidagi masalalar yuzasidan tegishli qarorlar qabul qilindi.