Tashrif davomida maktabda ta’lim sifati va o‘quvchilar uchun yaratilgan sharoitlar bilan yaqindan tanishildi. Jumladan, maktabda tashkil etilgan zamonaviy “BOOK KAFE” faoliyati ko‘zdan kechirdi. Ushbu maskan o‘quvchilarning kitobxonlik madaniyatini oshirish, bo‘sh vaqtlarini mazmunli o‘tkazish hamda bilim olishga bo‘lgan qiziqishini kuchaytirishda muhim ahamiyat kasb etmoqda. Shuningdek, o‘quv jarayonlarining tashkil etilishi, fan to‘garaklari, sport mashg‘ulotlari uchun yaratilgan sharoitlar, maktab kutubxonasi faoliyati hamda o‘quvchilarning darsga qatnashish davomatlari o‘rganildi. Maktab jamoasi tomonidan yosh avlodni har tomonlama yetuk, bilimli va vatanparvar etib tarbiyalash borasida amalga oshirilayotgan ishlar e’tiborga molikdir. Kelgusida ham ta’lim muassasalaridagi mavjud sharoitlarni yanada yaxshilash, o‘quvchilar uchun qulay va zamonaviy muhit yaratish bo‘yicha tegishli taklif va tavsiyalar ishlab chiqilishi belgilab olindi.