Buloqboshi tumani hokimi Furqatbek Bo‘taxonov va Xalq deputatlari tuman Kengashi deputati Toshtemirov Murotbek birgalikda tumandagi sanoat va to‘qimachilik korxonalarida bo‘ldi hamda u yerda olib borilayotgan ishlar bilan tanishdi.
Sanoat korxonalariga tashrif davomida asosiy e’tibor quyidagi masalalarga qaratildi, Eksport hajmini ko‘paytirish, ishlab chiqarish quvvatlarini oshirish, ishchi o‘rinlarini ko‘paytirish ya’ni sanoat va to‘qimachilik sohasini rivojlantirish orqali tuman aholisini doimiy ish bilan ta’minlash masalalari muhokama qilindi.
Ushbu uchrashuvda tadbirkorlar tomonidan bildirilgan muammolar va takliflar tinglanib, eksport hajmini kengaytirish bo‘yicha aniq ko‘rsatmalar berildi.
Buloqboshi tumanida so‘ngi yillarda qurilish materiallari va to‘qimachilik sohalarida yuqori o‘sish sur’atlariga erishilmoqda.