Ózbekstan Respublikası Prezidenti Sh.Mirziyoyevtıń Oliy Majliske hám Ózbekstan xalqına jollaǵan múrájatı hámde jańalanıp atırǵan «Ózbekstan – 2030» strategiyası joybarın keń jámiyetshilik arasında úgit-násiyatlaw ilajları Qaraózek rayonında dawam etpekte. 

Xalıq deputatları Qaraózek rayonlıq Keńesi sekretariatı hám deputatlar rayonlıq Nuranıy qorı wákilleri menen birgelikte belsendi nuranıylar arasında ushırasıw shólkemlestirip, Múrájatnama hám strategiyanıń mazmunı, onda belgilengen wazıypalar, ásirese mámleketimizde sońǵı jıllarda alıp barılıp atırılǵan reformalar, jańalanıwlar haqqında maǵlıwmat berdi. Ushırasıw dawamında strategiyalıq maqsetlerdiń xalqımız turmısındaǵı áhmiyeti mısallar menen atap ótilip, jańa joybarǵa usınıslar tıńlandı. 

Deputatlar kekse áwlad wákilleri menen birgelikte máhállelerde, xalıq arasında úgit-násiyat jumısların alıp barıw boyınsha wazıypalar belgilep aldı.