ÓzXDP Bozataw rayonlıq Keńesi, ÓzXDP Bozataw rayonlıq Keńesi deputatlıq topar aǵzası 13-"Porlıtaw" saylaw okrugi deputatı Bisenov Kenjegali qatnasında "Aspantay"APJ Porlıtaw AShPsında shıpakerleri qatnasında medicinalıq kórik shólkemlestirdi. Salamat turmıs tárizi, racional awqatlanıw menen birge búgingi kúndegi Mámleketimizde ámelge asırılıp atırǵan reformalardıń bárshesi xalıq iygiligi, xalıq razılıǵı ushın alıp barılıp atırǵanlıǵın, búgingi baxıtlı turmısımızǵa shúkiranalıq sezimleri haqqında túsinikler
berip ótti.

Ministrler Kabinetiniń 2020-jıl 19-noyabr kúngi «Xalıqtıń salamat turmıs tárizin qollap-quwatlaw hám fizikalıq aktivligin asırıwǵa tiyisli qosımsha ilajlar haqqında»ǵı 735-sanlı Qararı qabıl etildi.
Bul qarar Ózbekstan Respublikası Prezidentiniń 2020-jıl 30-oktyabr kúngi «Salamat turmıs tárizin keń jayiw hám ǵalabalıq sporttı jáne de rawajlandırıw ilajları haqqında»ǵı PF-6099-sanlı Pármanınıń orınlaniwin támiyinlew maqsetinde islep shıǵılǵan hám de onda tómendegiler názerde tutılǵan:
Pandemiyanı sport arqalı jeńemiz! » ideyasın ózinde jámlegen 2021-2022 jıllarda sport siyasatın jedellestiriw baǵdarlaması;
Salamat hayal - ullı keleshek» ideyasın turmısta qollanıwǵa qaratılǵan, hayal-qızlar ortasında salamat turmıs tárizin bekkemlew, olardı dene tárbiyası hám sport penen ǵalabalıq tárzde shuǵıllanıwǵa tartıw ilajları programması ;
2020 -2022 jıllarda Ózbekstanda sport hám ekstremal turizmni rawajlandırıw boyınsha ilajlar baǵdarlaması;
Milliy sport túrlerin hám xalıq oyınların jáne de rawajlandırıw ilajları jobası.
Qararǵa muwapıq ulıwma orta bilim beriw mektepleriniń sport túrlerine qánigelestirilgenliginen kelip shıǵıp, olardıń hár birinde hár ayda keminde bir sport túri boyınsha sport jarısları ótkeriledi.
2021-jıldan baslap 22 sentyabr kúni respublika boyınsha «Avtomobilsiz kun» retinde daǵaza etildi.
2021/2022-oqıw jılınan baslap :
- ekstremal sport hám sport turizmi boyınsha kadrlar tayarlaw maqsetinde Ózbekstan mámleket dene tárbiyası hám sport universiteti hám de onıń filiallarında bólek kafedra ashıldı;
- dene tárbiyası hám sport salasındaǵı bakalavriat tálim baǵdarları negizinde «sport ilajların talıqlawshı», «iri sport ilajların shólkemlestiriw (promouter)» hám de «ǵalabalıq sporttı rawajlandırıw hám salamat turmıs tárizin qáliplestiriw» boyınsha magistratura qánigeliklerine oqıwǵa qabıllaw shólkemlestirildi.