Xalqaro korrupsiyaga qarshi kurashish kuni munosabati bilan Sherobod tumanida targ‘ibot tadbiri o‘tkazildi

Xalq deputatlari Sherobod tumani Kengashining 1-Yangiturmush saylov okrugi deputati S. Eshonqulov tuman prokuraturasi hamda tuman IIB xodimlari bilan hamkorlikda Sherobod tuman 2-son politexnikumida 9-dekabr – Xalqaro korrupsiyaga qarshi kurashish kuni munosabati bilan tashkil etilgan tadbirda ishtirok etdi.

Tadbirda deputat S. Eshonqulov so‘zga chiqib, bugungi kunda korrupsiyaga qarshi kurashishda jamiyatda huquqiy ongni shakllantirishga alohida e’tibor qaratilayotgani, korrupsiyaning har qanday ko‘rinishiga nisbatan insonlarda ichki rad etish hissini kuchaytirish zarurligi, shuningdek, ushbu illatga qarshi kurashishda barchaning birlashishi muhim ekanini ta’kidlab o‘tdi.