Yangiobod tumanining Qo‘shqand qishlog‘idagi 11-umumta’lim maktabi hududida umumiy qiymati 1 milliard 348
million 636 ming so‘m bo‘lgan, usti yopiq, zamonaviy va barcha qulayliklarga ega sun’iy qoplamali stadion qurilish ishlari to‘liq yakunlandi va foydalanishga topshirildi. 

Mazkur sport inshootining ochilish marosimida Xalq deputatlari tuman Kengashi raisi, tuman hokimi Ibrohim Qarshiboyev, Xalq deputatlari tuman Kengashi kotibiyati mudiri Valijon Xasanov, tuman Kengashi deputati Xolboy Tilakov, tuman rahbarlari, mutasaddi tashkilotlar vakillari, o‘qituvchilar, sportchilar hamda mahalla aholisi ishtirok etishdi.  

Tadbir davomida Xalq deputatlari tuman Kengashi raisi, tuman hokimi Ibrohim Qarshiboyev so‘zga chiqib, yoshlarga sport
bilan shug‘ullanish uchun keng imkoniyatlar yaratish, sog‘lom turmush tarzini targ‘ib qilish borasida tumanda amalga oshirilayotgan ishlar haqida gapirib o‘tdi. Yangi inshoot yoshlarga sport imkoniyatlarini kengaytirib, yuqori natijalarga erishish yo‘lida mustahkam zamin yaratadi.