#Tashkilot_bilan_hamkorlik #Kotibiyat_mudiri_ish_reja_ijrosi #Doimiy_komissiya_faoliyati

Kadastr sohasida murojaatlar bilan ishlash holati o‘rganildi

Xalq deputatlari Angor tumani Kengashi deputatlari R. Primqulov, N. To‘rayev hamda Kengash kotibiyati mudiri M. Yarmatov ishtirokida Davlat kadastrlari palatasi Surxondaryo viloyati boshqarmasining Angor tumani filialida o‘rganish ishlari olib borildi.

O‘rganish davomida filialda jismoniy va yuridik shaxslardan kelib tushayotgan murojaatlar bilan ishlash holati, ularni elektron baza orqali qabul qilish, ro‘yxatga olish, o‘z vaqtida ko‘rib chiqish hamda belgilangan tartibda javob berish jarayonlariga alohida e’tibor qaratildi.

Shuningdek, elektron tizim orqali kelib tushayotgan murojaatlarning ijrosi, ularning o‘z vaqtida va sifatli ko‘rib chiqilishini ta’minlash, fuqarolarning muammolariga qonuniy yechim topish hamda murojaatlar bilan ishlash samaradorligini oshirish masalalari yuzasidan tegishli o‘rganishlar olib borildi.

O‘rganish yakunlari bo‘yicha murojaatlar bilan ishlash samaradorligini oshirish va mavjud kamchiliklarni bartaraf etishga qaratilgan tegishli tavsiyalar berildi.