Xalq deputatlari Parkent tuman Kengashiga 3-«Bog‘bon» saylov okrugidan saylangan deputat To‘layev Eldor Zafaritdin o‘g‘li tomonidan fuqarolar murojaatlari va hududdagi mavjud muammolarni o‘rganish, ularning yechimi yuzasidan tegishli choralar ko‘rishga ko‘maklashish maqsadida deputatlik so‘rovi yuborildi.
🟢 Murojaat manzili — “Qayilma” MFYning Oybuloq va Munis ko‘chalari.
⏺ Saylovchilar bilan o‘tkazilgan uchrashuvlar, shuningdek, “Qayilma” va “Bog‘bon” mahalla fuqarolar yig‘inlari nuroniylari hamda faollari bilan suhbatlar davomida Oybuloq va Munis ko‘chalarida elektr energiyasi kuchlanishining pastligi bilan bog‘liq muammo ko‘tarilgan.
⏺ Elektr energiyasi kuchlanishining pastligi aholi xonadonlarida maishiy elektr jihozlaridan foydalanishda noqulayliklar keltirib chiqarib, kundalik turmush sharoitiga salbiy ta’sir ko‘rsatmoqda. Shu bois hududdagi elektr ta’minoti holatini o‘rganish va mavjud muammoning amaliy yechimini topish zarurati yuzaga kelgan.
🟢 Deputatlik so‘rovida qanday masala ko‘tarilgan?
⏺ Parkent tuman Elektr tarmoqlari korxonasi boshlig‘i M. Mirxamidovga yuborilgan deputatlik so‘rovida:
🔹 “Qayilma” MFYning Oybuloq va Munis ko‘chalarida elektr energiyasi kuchlanishining pastligi sabablarini o‘rganish;
🔹 Hududdagi elektr ta’minoti tizimining mavjud holatini va tarmoqlardagi yuklamani tahlil qilish;
🔹 Muammoni bartaraf etish maqsadida qo‘shimcha transformator o‘rnatish imkoniyatini ko‘rib chiqish;
🔹 Rejalashtirilgan chora-tadbirlar va ularni amalga oshirish muddatlari yuzasidan asoslantirilgan yozma ma’lumot taqdim etish so‘ralgan.
⏺ Qo‘shimcha transformator o‘rnatilishi hududdagi elektr ta’minotini yaxshilash, tarmoq yuklamasini kamaytirish va elektr energiyasi kuchlanishini me’yoriy darajaga keltirishga ko‘maklashishi mumkin.
🟢 Deputatlik nazorati — aholi murojaatlari va hududiy muammolar yechimiga qaratilgan muhim mexanizm.
Deputat tomonidan yuborilgan mazkur so‘rovdan ko‘zlangan asosiy maqsad — fuqarolar tomonidan bildirilgan murojaatni mas’ul tashkilot darajasida ko‘rib chiqish, muammoning sabablarini aniqlash hamda uning yechimi yuzasidan aniq chora-tadbirlar belgilanishiga erishishdir.
🇺🇿 Xalq deputatlari Parkent tuman Kengashi deputatlik so‘rovlari va nazorati orqali hududlarda aholini qiynayotgan masalalarni o‘rganish, mas’ul tashkilotlar e’tiborini dolzarb muammolarga qaratish hamda ularning qonuniy tartibda hal etilishiga ko‘maklashish borasidagi faoliyatini davom ettiradi.