Xalq deputatlari Bo‘zatov tumani Kengashi kotibiyati mudiri, 1-sonli "Palwash ataw" saylov okrugidan saylangan deputat A.Ibragimov hamda 6-sonli "Andjan" saylov okrugidan saylangan deputat Sh.Berdaxov tomonidan 4-sonli umumiy o‘rta ta’lim maktabida kuz-qish mavsumiga tayyorgarlik holati o‘rganildi.

O‘rganish davomida maktab binosidagi isitish tizimi, mavsumga tayyorgarlik ishlari, mavjud sharoitlar hamda o‘quvchilar uchun yaratilgan imkoniyatlar ko‘zdan kechirildi.

Shuningdek, kuz-qish mavsumini betalafot o‘tkazish uchun mavjud kamchiliklarni bartaraf etish, ta’lim muassasasida issiq va qulay muhitni ta’minlash bo‘yicha mutasaddilarga tegishli tavsiyalar berildi.

Deputatlar tomonidan ijtimoiy soha obyektlaridagi sharoitlarni joyiga chiqqan holda o‘rganish va aniqlangan muammolar yechimi bo‘yicha amaliy choralar ko‘rish ishlari davom ettirilmoqda.