Aziz Chilonzor hamda 1-Charx-Kamolon mahallasi fuqarolari!

Sizlarni yurtimiz hayotidagi eng ulug‘ va qadrli bayram — O‘zbekiston Respublikasi Mustaqilligining 35 yilligi bilan chin qalbimizdan muborakbod etamiz!
Mustaqillik yillarida mamlakatimizda inson qadrini ulug‘lash, xalq farovonligini oshirish, mahallalarni obod qilish, zamonaviy infratuzilmani rivojlantirish, ta’lim va tibbiyot sifatini yuksaltirish, tadbirkorlikni qo‘llab-quvvatlash borasida keng ko‘lamli islohotlar amalga oshirilmoqda.
Bugun yurtimizda “Inson qadri uchun” tamoyili asosida olib borilayotgan bunyodkorlik va yangilanishlar mahallalarimiz hayotida ham o‘zining amaliy ifodasini topmoqda. Yangi va ta’mirlangan yo‘llar, obod hududlar, zamonaviy ijtimoiy obyektlar, yashil maskanlar va aholi uchun yaratilayotgan qulay sharoitlar — bularning barchasi tinch va farovon hayotimizning muhim omilidir.
Chilonzor tumani, xususan, Chilonzor va 1-Charx-Kamolon mahallasi aholisi ham yurtimiz taraqqiyotiga munosib hissa qo‘shib kelmoqda. Mahallalarimizda hamjihatlik, mehr-oqibat va bunyodkorlik muhiti tobora mustahkamlanib bormoqda.
🌿 Mustaqilligimiz — bebaho ne’mat, tinchligimiz — eng oliy qadriyat!
Fursatdan foydalanib, barcha yurtdoshlarimizga mustahkam sog‘lik, oilaviy xotirjamlik, farovonlik va yangi zafarlar tilaymiz.
Mustaqilligimiz abadiy bo‘lsin!
Yangi O‘zbekistonimiz yanada ravnaq topaversin! 🇺🇿

A.Miryunusov
Xalq deputatlari Chilonzor tumani kengashi deputati