OILAVIY POLIKLINIKA FAOLIYATI O‘RGANILDI 

Xalq deputatlari Quva tuman Kengashi
kotibiyati mudiri R.Nodirov, tuman Kengashi deputati M.Sayfidinov, kotibiyat
bosh mutaxassisi M.To‘xtasinov hamda Kengash huzuridagi Yoshlar maslahat guruhi
rahbari J.Abdurashidov tomonidan Bolalik mahallasidagi 18-son Oilaviy
poliklinika faoliyati o‘rganildi. 

Muassasada 18 nafar tibbiyot xodimi 4 539 nafar aholiga birlamchi tibbiy-sanitariya
xizmati ko‘rsatib kelmoqda. 

O‘rganish davomida aholiga ko‘rsatilayotgan tibbiy xizmatlar sifati, dori-darmon
vositalari bilan ta’minlanganlik masalasi, tibbiy jihozlardan foydalanish
samaradorligi, muassasadagi mavjud shart-sharoitlar tahlil qilindi. 

Muammolar ham aniqlandi. Jumladan, poliklinika shtat tuzilmasida bolalar shifokori shtati
mavjud emasligi, shu sababli biriktirilgan 8-son oilaviy poliklinika
shifokorlari amalda hududga kelib xizmat ko‘rsatmayotgani aholi e’tirozlariga
sabab bo‘layotgani ma’lum bo‘ldi. 

Shuningdek, bemorlarga mo‘ljallangan dori-darmon vositalari havo harorati 25°C dan yuqori
bo‘lgan xonada saqlanayotgani aniqlandi. 

Aniqlangan kamchiliklarni bartaraf etish va tibbiy xizmat sifatini oshirish bo‘yicha
poliklinika rahbariga tavsiyalar berildi. 

Muammolar yuzasidan tuman sog‘liqni saqlash bo‘limi rahbariyatiga deputat
so‘rovi yo‘llandi. 

Aniqlangan kamchiliklar “Deputatning ko‘cha aylanish daftari”ga qayd
etilib, ularni bartaraf etish jarayoni deputatlik nazoratiga olindi.