Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna tomonidan o‘zi saylangan okrug hududidagi “Oybek” mahallasida jinoyatchilik va huquqbuzarliklarning oldini olish, jamoat xavfsizligini ta’minlash borasida amalga oshirilayotgan ishlar o‘rganildi.O‘rganish jarayoni bevosita mahalla hududida,ko‘chalarga chiqqan holda hamda aholi bilan jonli muloqot tarzida olib borildi.Jarayonda hududdagi mavjud holat, aholini tashvishga solayotgan masalalar va huquqbuzarliklarning oldini olishga qaratilgan profilaktik tadbirlarning samaradorligi joyida tahlil qilindi.Shuningdek, mahalladagi profilaktika inspektori I.Xolovning hududda huquqbuzarliklar va jinoyatchilikning oldini olish borasidagi faoliyati o‘rganilib,jinoyatchilik darajasi yuqori bo‘lgan “qizil” va “sariq” toifadagi hududlarda amalga oshirilayotgan profilaktik ishlar muhokama qilindi.Ma’lum qilinishicha, mahalla hududida jamoat xavfsizligini ta’minlash va “Xavfsiz mahalla” tizimini samarali tashkil etish
maqsadida jami 68 ta videokuzatuv kamerasi o‘rnatilgan.O‘rganish davomida deputat tomonidan hududda xavfsizlik choralarini yanada kuchaytirish, mavjud videokuzatuv tizimini takomillashtirish,zarur hududlarga qo‘shimcha kameralar o‘rnatish, shuningdek,aholi kam qatnovchi va hilvat hududlarni tungi yoritish chiroqlari bilan ta’minlash yuzasidan tegishli takliflar bildirildi.Yakunida mahallada jinoyatchilik va huquqbuzarliklarning barvaqt oldini olish, hududlarda profilaktik ishlarni kuchaytirish hamda aholi xavfsizligini ta’minlash bo‘yicha ishlarni izchil davom ettirish zarurligi ta’kidlandi.