O‘zbekiston Respublikasi Oliy Majlisi Senatining 2025-yil 14-yanvardagi KQ-35-V-son Qarori ijrosini ta’minlash maqsadida Xalq deputatlari Uchquduq tuman Kengashi kotibiyatining bosh mutaxassisi M.Muhammadiyev tomonidan "Navoiy" mahallasi hududida o‘rganish ishlari amalga oshirildi.

O‘rganish davomida qaror ijrosi doirasida belgilangan vazifalarning joylardagi bajarilish holati, mavjud muammolar hamda ularni bartaraf etish bo‘yicha ko‘rilayotgan chora-tadbirlar atroflicha tahlil qilindi. Shuningdek, mas’ullar bilan muloqot o‘tkazilib, aniqlangan kamchiliklarni bartaraf etish hamda belgilangan vazifalarni o‘z vaqtida va sifatli amalga oshirish yuzasidan tegishli tavsiya va ko‘rsatmalar berildi.

Bu kabi o‘rganish ishlari Senat qarorlari ijrosini samarali tashkil etish, hududlarda olib borilayotgan islohotlar natijadorligini oshirish hamda aholi manfaatlarini ta’minlashga xizmat qiladi.