Ўрганиш жараёнида маҳаллада аҳоли бандлигини таъминлаш, кам таъминланган ва эҳтиёжманд оилаларни қўллаб-қувватлаш, ёшлар бандлигини ошириш, хотин-қизлар билан манзилли ишлаш, ҳуқуқбузарликларнинг олдини олиш ҳамда ижтимоий муҳитни соғломлаштириш бўйича амалга оширилаётган ишлар атрофлича таҳлил қилинди. Шунингдек, “Маҳалла еттилиги” аъзолари томонидан юритилаётган ҳужжатлар, “темир дафтар”, “аёллар дафтари” ва “ёшлар дафтари” бўйича олиб борилаётган ишлар ҳолати ҳам кўздан кечирилди.

Жараён давомида маҳаллада мавжуд муаммолар, жумладан, айрим оилаларда бандлик масаласи, инфратузилмани яхшилаш, ижтимоий хизматлар сифатини оширишга доир камчиликлар аниқланди. Фуқаролар билан очиқ мулоқотлар ўтказилиб, уларнинг мурожаат ва таклифлари тингланди.

Ўрганиш якунларига кўра, “Маҳалла еттилиги” фаолияти самарадорлигини янада ошириш, аҳоли билан манзилли ишлашни кучайтириш, аниқланган муаммоларни бартараф этиш бўйича тегишли ташкилотлар билан ҳамкорликни мустаҳкамлаш юзасидан амалий тавсиялар берилди. Шу билан бирга, келгусида амалга оширилиши лозим бўлган устувор вазифалар белгилаб олинди.