▶️Йиғилишда Ўзбекистон Республикаси Президентининг 2026 йил 5 февралдаги “2026 йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида”ги ПҚ–49-сон қарори ижросини таъминлаш масаласи муҳокама қилинди.

▶️Мазкур қарорга мувофиқ, Хатирчи туманидаги эҳтиёжманд оилаларнинг яшаш шароитларини яхшилаш, энергия самарадорлигини ошириш ҳамда коммунал харажатларни қисқартириш мақсадида 11 та оиланинг уй-жойларини энергия тежамкор усулда таъмирлаш ишларини амалга ошириш режалаштирилган.

▶️Шу муносабат билан мазкур ишлар учун туман маҳаллий бюджети маблағлари ҳисобидан 679 миллион 800 минг сўм миқдорида маблағ ажратиш масаласи комиссия аъзолари томонидан атрофлича кўриб чиқилди. Муҳокамалар давомида ажратилаётган маблағларнинг мақсадли ва самарали сарфланиши, қурилиш-таъмирлаш ишларининг сифатли ташкил этилиши ҳамда эҳтиёжманд аҳолини ижтимоий қўллаб-қувватлашнинг аҳамияти алоҳида таъкидланди.

▶️Йиғилиш якунида кун тартибидаги масала юзасидан тегишли қарор қабул қилиниб, масъул ташкилотларга белгиланган вазифаларни ўз вақтида ва сифатли бажариш бўйича тавсиялар берилди.