Xalq deputatlari Qo‘qon shahar Kengashining "Mahalliy budjet va tadbirkorlikni qo‘llab-quvvatlash" doimiy komissiyasi a’zosi, deputat Sh.Rasulova tomonidan Qo‘qon shahar Statistika bo‘limida O‘zbekiston Respublikasining 2002-yil 12-dekabrdagi O‘RQ–441-II-sonli "Davlat statistikasi to‘g‘risida"gi Qonuni ijrosi yuzasidan olib borilayotgan ishlar o‘rganildi.

O‘rganish davomida Statistika bo‘limi mas’ullari tomonidan qonun talablarining amaliy ijrosi, davlat statistik kuzatuvlarini tashkil etish, statistik ma’lumotlarning ishonchliligi va xolisligini ta’minlash hamda zamonaviy axborot texnologiyalaridan foydalanish borasida amalga oshirilayotgan ishlar yuzasidan batafsil ma’lumot berildi.

Shuningdek, yuridik va jismoniy shaxslardan statistik hisobotlarni qabul qilish, ularni elektron shaklda taqdim etish tizimi, statistik ma’lumotlarni shakllantirish va tahlil qilish jarayonlari hamda ma’lumotlar bazasining aniqligi va shaffofligini ta’minlash masalalari muhokama qilindi.

Muhokama davomida tadbirkorlik subyektlari uchun statistik hisobotlarni topshirish jarayonini yanada soddalashtirish, fuqarolar va tashkilotlarga ko‘rsatilayotgan xizmatlar sifatini oshirish hamda qonunchilik talablarining to‘liq ijrosini ta’minlash yuzasidan fikr almashildi.

Xalq deputatlari Qo‘qon shahar Kengashi