Xalq deputatlari Bag‘dod tumani Kengashining 21-Samarqand saylov okrugi deputati T.To‘ychiboyev tomonidan Saidobod mahalla fuqarolar yig‘ini hududida davlat-xususiy sheriklik asosida qurilishi rejalashtirilgan madaniyat uyi obyektining holati joyiga chiqib o‘rganildi.
🔍 O‘rganish davomida mazkur obyekt qurilishi bir necha yildan buyon yakunlanmaganligi hamda foydalanishga topshirilmagani aniqlandi. Natijada mahalla yoshlarini madaniyat va san’at yo‘nalishidagi to‘garaklarga keng jalb etish, ularning bo‘sh vaqtini mazmunli tashkil etish imkoniyatlari cheklanib kelmoqda.
📨 Mazkur holat yuzasidan deputat tomonidan Bag‘dod tumani Madaniyat bo‘limiga deputat so‘rovi yuborilib, unda:
▪️ obyektning bugungi kundagi holati;
▪️ shu kungacha amalga oshirilgan qurilish ishlari;
▪️ qurilishning to‘xtab qolish sabablari;
▪️ obyektni yakunlash va foydalanishga topshirish bo‘yicha ko‘rilayotgan chora-tadbirlar haqida asoslantirilgan ma’lumot taqdim etish so‘raldi.