“Yakkaterak” mahallasida QVP faoliyati o‘rganildi

Xalq deputatlari tuman Kengashi raisi J.Xudoyqulova, Kengash kotibiyati bosh mutaxassisi J.Donayev hamda Kengash deputati M.Juraqulova “Yakkaterak” mahallasida joylashgan qishloq vrachlik punkti (QVP) faoliyati bilan yaqindan tanishdi.

O‘rganish davomida aholiga ko‘rsatilayotgan birlamchi tibbiy xizmatlar sifati, tibbiyot xodimlari uchun yaratilgan sharoitlar, dori-darmon ta’minoti hamda tibbiy jihozlarning holati ko‘zdan kechirildi.

Shuningdek, QVPda fuqarolarga tibbiy xizmat ko‘rsatish jarayoni, profilaktik tadbirlarning tashkil etilishi, onalar va bolalar salomatligini muhofaza qilish, surunkali kasalliklarning oldini olish bo‘yicha olib borilayotgan ishlar muhokama qilindi.

Deputatlar tomonidan mavjud muammolar o‘rganilib, ularni bartaraf etish hamda aholiga sifatli va tezkor tibbiy xizmat ko‘rsatishni yanada yaxshilash yuzasidan tegishli tavsiyalar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#J_Donayev_J_Xudoyqulova_M_Juraqulova