Xalq deputatlari Ohangaron
tuman Kengashiga “9-Qiziloy” okrugidan saylangan deputat Nafisa Mo‘minova
"Qiziloy" MFY hududida joylashgan maktabgacha ta’lim tashkilotida bo‘ldi. 

Deputat bu yerda ta’lim-tarbiya
sifati, muassasada yaratilgan shart-sharoitlar yuzasidan deputatlik va jamoatchilik
nazoratini amalga oshirdi. 

Shuningdek, muassasa jamoasi
bilan ochiq muloqot o‘tkazilib, 2026 yilga mo‘ljallangan rejalar, tarbiyachilar
tomonidan amalga oshirilayotgan ishlar va tadbirlar muhokama qilindi. Tashkilot
binolarida yaratilgan shart-sharoitlar ko‘zdan kechirilib, sohada olib borilayotgan
islohotlar yuzasidan atroflicha axborot berildi. 

Muloqot davomida O‘zbekiston
Respublikasining 2019 yil 16 dekabrda qabul qilingan “Maktabgacha ta’lim va tarbiya
to‘g‘risida”gi O‘RQ-595-sonli Qonuni mazmun-mohiyati, uning asosiy talablari hamda
bu borada amalga oshirilayotgan islohotlar xususida targ‘ibot-tashviqot va tushuntirish
ishlari olib borildi. 

Shu bilan birga, o‘sib
kelayotgan yosh avlodni sifatli ta’lim-tarbiya bilan qamrab olish, ularni har tomonlama
barkamol etib tarbiyalash borasidagi ustuvor vazifalar alohida ta’kidlandi.