Xalq deputatlari Jalaquduq tuman Kengashi deputati Rayimqulova Santalatxon tomonidan 35-umumta`lim maktabida “O`zbekiston – 2030” strategiyasini takomillashtirishning mazmun-mohiyati va uning amaliy ahamiyatiga bag`ishlangan muhokama yig`ini o`tkazildi. 

Tadbirda ta`lim muassasasi jamoasi, o`qituvchilar va faol yoshlar ishtirok etdi. Muhokama davomida “O`zbekiston – 2030” strategiyasining asosiy maqsad va vazifalari, uning mamlakat taraqqiyotida tutgan o`rni, ayniqsa, ta`lim sohasini rivojlantirish, yoshlar salohiyatini oshirish,
inson kapitaliga investitsiya kiritish borasidagi ustuvor yo`nalishlariga alohida to`xtalib o`tildi. Deputat Santalatxon Rayimqulova o`z so`zida strategiyani takomillashtirish jamiyatning barcha qatlamlari, xususan, ta`lim muassasalarida keng muhokama qilinishi muhimligini ta`kidladi. Shuningdek, strategiyada belgilangan vazifalarni hayotga tatbiq etishda maktab jamoalarining o`rni beqiyos ekani, o`qituvchilarning faolligi esa islohotlar samaradorligini ta`minlashini qayd etdi. Tadbir yakunida ishtirokchilar tomonidan fikr-mulohazalar bildirilib, strategiyani takomillashtirish bo`yicha takliflar ilgari surildi. Bu kabi uchrashuvlar aholining siyosiy-ijtimoiy faolligini oshirish,
“O`zbekiston – 2030” strategiyasining mazmun-mohiyatini keng jamoatchilikka yetkazishda muhim ahamiyat kasb etishi ta`kidlandi.