🗣"Budjet kodeksi" talablari hamda "Kambag‘allikdan farovonlik sari" dasturi ijrosi o‘rganildi

Xalq deputatlari Bandixon tuman Kengashi kotibiyati mudiri A.Pardayev tomonidan tasdiqlangan savolnomalar asosida Bandixon tumani Iqtisodiyot va moliya bo‘limida O‘zbekiston Respublikasining "Budjet kodeksi" (O‘RQ–360-son) talablari ijrosi hamda "Kambag‘allikdan farovonlik sari" dasturi doirasida amalga oshirilayotgan ishlar holati o‘rganildi.

O‘rganishlar davomida budjet mablag‘larining maqsadli va samarali sarflanishi, qonunchilik talablariga rioya etilishi hamda dastur doirasida amalga oshirilayotgan chora-tadbirlarning ijro holati atroflicha tahlil qilindi.

Aniqlangan holatlar yuzasidan tahliliy ma’lumotnoma tayyorlanib, mavjud kamchiliklarni bartaraf etish, qonunchilik talablarining to‘liq va samarali ijrosini ta’minlash hamda amalga oshirilayotgan ishlar samaradorligini yanada oshirishga qaratilgan amaliy taklif va tavsiyalar ishlab chiqildi.

O‘rganish yakunlari bo‘yicha tegishli mas’ul tashkilotlarga aniqlangan kamchiliklarni bartaraf etish hamda belgilangan vazifalar ijrosini ta’minlash yuzasidan tavsiyalar berilib, ularning ijrosi doimiy nazoratga olindi.