Xalq deputatlari Uchquduq tuman Kengashining 4-“Do‘stlik” saylov okrugidan saylangan deputat I.Raximov tomonidan deputatlik nazorati doirasida Uchquduq tuman mudofaa bo‘limida O‘zbekiston Respublikasining “Mudofaa to‘g‘risida”gi O‘RQ-211-II-son Qonuni ijrosi yuzasidan o‘rganish ishlari olib borildi.

O‘rganish davomida mudofaa bo‘limida qonun talablarining amaliyotga tatbiq etilishi, harbiy hisobni yuritish, safarbarlik tayyorgarligi, mudofaa sohasiga oid hujjatlarning yuritilishi hamda fuqarolarning harbiy xizmatga oid murojaatlari bilan ishlash holati tahlil qilindi.

Shuningdek, mas’ul xodimlar bilan muloqot o‘tkazilib, qonun hujjatlari ijrosini yanada samarali tashkil etish, mavjud muammolarni bartaraf etish hamda faoliyat samaradorligini oshirish yuzasidan fikr almashildi. O‘rganish yakunlari bo‘yicha aniqlangan holatlar yuzasidan tegishli tavsiya va takliflar berildi.

Deputatlik nazorati davlat organlari faoliyatining ochiqligi va shaffofligini ta’minlash, qonun hujjatlarining joylarda to‘liq va sifatli ijro etilishi ustidan jamoatchilik nazoratini kuchaytirish hamda fuqarolarning manfaatlarini himoya qilishda muhim ahamiyat kasb etadi.