Tadbirda viloyat kasbiy ta’lim boshqarmasi boshlig‘i, shahar hokimligi vakillari, mahalla faollari, yoshlar hamda tanlov ishtirokchilari qatnashdi.

So‘zga chiqqanlar g‘oliblarni samimiy muborakbod etib, kasb-hunar egalari, fidoyi mehnatkashlar va malakali mutaxassislarning mamlakat taraqqiyoti, jamiyat ravnaqi hamda Yangi O‘zbekiston bunyodkorligidagi o‘rni beqiyos ekanligini ta’kidladilar.

Tadbir yakunida g‘oliblarga diplom va esdalik sovg‘alari topshirildi. Shuningdek, ularga tanlovning keyingi bosqichlarida ham muvaffaqiyatli ishtirok etib, yuksak natijalarga erishishlari tilab qolindi.

Mehnat, mahorat va intilish — muvaffaqiyat sari yetaklovchi eng muhim omillardir!

G‘oliblarni erishgan yutuqlari bilan tabriklaymiz va kelgusidagi faoliyatlarida ulkan zafarlar tilaymiz!