Qabul davomida fuqarolar tomonidan uy-joy, kommunal xizmatlar, bandlik, ijtimoiy qo‘llab-quvvatlash, obodonlashtirish hamda boshqa masalalar yuzasidan murojaatlar bildirildi.

Har bir murojaat deputat tomonidan atroflicha tinglanib, ularning mazmun-mohiyati o‘rganildi. Murojaatlarda ko‘tarilgan masalalarni hal etish yuzasidan tegishli tashkilotlar bilan hamkorlikda amaliy choralar ko‘rish belgilandi.

Shuningdek, fuqarolarga o‘zlarini qiziqtirgan masalalar bo‘yicha huquqiy tushuntirish va tavsiyalar berildi.

Fuqarolar bilan bevosita muloqot qilish, ularning muammolarini o‘rganish va ijobiy hal etishga ko‘maklashish deputatlik faoliyatining muhim yo‘nalishlaridan biri hisoblanadi.