Dasturlar ijrosi amalda.

Xalq deputatlari Angor tumani Kengashi 13-Angor saylov okrugi deputati Jo‘rayev Akbar Nortojiyevich tomonidan hududlarda amalga oshirilayotgan qurilish va bunyodkorlik ishlari o‘rganildi.

Jumladan, Markaz mahallasi hududida joylashgan, tuman tibbiyot birlashmasi tasarrufidagi Mustaqillik oilaviy shifokorlik punktini rekonstruksiya qilish bo‘yicha boshlangan qurilish ishlari deputat tomonidan ko‘zdan kechirildi.

O'rganish jarayonida qurilish-montaj ishlarining sifati, belgilangan muddatlarda bajarilishi hamda obyektning kelgusida aholi uchun qulay va zamonaviy tibbiy xizmatlar ko‘rsatish imkoniyatlarini kengaytirishdagi ahamiyatiga alohida e’tibor qaratildi.Deputat tomonidan mazkur obyektning o‘z vaqtida va sifatli foydalanishga topshirilishi hudud aholisiga tibbiy xizmat ko‘rsatish sifatini yanada yaxshilashga xizmat qilishi ta’kidlandi.