Búgingi kún deputatı kabinetlerde emes, al xalıqtıń arasında, olardıń úylerinde hám júreklerinde bolıwı shárt. Sebebi, xalqımızdıń abatlıǵı hám abadanlıǵı - elimiz rawajlanıwınıń baslı kriteriyi bolıp tabıladı.

Kúni keshe Xalıq deputatları Bozataw rayonlıq Keńesi deputatı Q.Jamalov tárepinen óz saylaw okriginde puqaralardıń jasaw sharayatları menen jaqınnan tanısıw hám olardıń mashqalaların tıńlaw maqsetinde úyme-úy júrip, ashıq sáwbetler ótkerdi.
Deputat hár bir shańaraqqa kirip, puqaralardıń tınıshlıǵı hám kúndelikli turmısta ushırasıp atırǵan mashqalaları menen qızıqsındı. Sáwbetlesiwler dawamında tómendegi máselelerge itibar qaratıldı:
Máhállelerdiń infrastrukturasın jaqsılaw (jollardıń jaǵdayı, kóshelerdi jaqtılandırıw);
Kommunal xızmetler hám tiykarǵı mútájlikler;
Xalıqtıń bántligin támiyinlew hám sociallıq járdemge mútáj shańaraqlardı qollap-quwatlaw.
Nátiyjeli sáwbet
Ótkerilgen bul úyme-úy sáwbetlesiwler tek ǵana mashqalalardı anıqlaw menen sheklenip qalmadı. Kópshilik múrájatlar sol jerdiń ózinde, tiyisli taraw wákilleri menen baylanısqan halda unamlı sheshildi. Úyreniwdi hám waqıttı talap etetuǵın mashqalalar boyınsha deputatlıq sorawlar tayarlanıp, tiyisli shólkemlerge jiberiliwi belgilep alındı.