“Oqostona” mahallasi ahliga rahmat, endi navbat mutasaddilarga!

⚫️Bugun joylarda “Obod mahalla” dasturlari ijrosini ko‘ryapmiz, biroq hammasini ham davlatdan kutib o‘tirmasdan, o‘z hududi obodligi uchun hissa qo‘shayotgan saxovatpesha hamyurtlarimiz borligidan faxrlanamiz.

⚫️Muammo nimada?

“Oqostona” mahallasi, “Oqostona” ko‘chasidagi mavjud elektr tayanchlari (ustunlari) ma’nan eskirgan va ta’mirtalab holatga kelib qolgan. Bu esa qishin-yozin hududda elektr ta’minoti xavfsizligiga xavf tug‘dirmoqda.

⚫️Xalqning tashabbusi:

Mahallaning saxovatpesha fuqarolari tomonidan o‘z mablag‘lari hisobidan 35 dona yangi beton ustunlar xarid qilindi. Odamlar o‘z vazifasini bajardi — endi navbat professional xizmatga!

⚫️Deputat so‘rovi:

Mazkur masalaga yechim topish maqsadida Hududiy elektr tarmoqlari korxonasi va tegishli mutasaddi tashkilotlar rahbarlariga Deputat so‘rovi yuborildi.

⚫️So‘rovda quyidagi talablar qo‘yildi:

✅Aholi tomonidan olingan 35 dona beton ustunni o‘rnatish uchun maxsus texnika (Yamoqazgich, kran) ajratish;

✅Mutaxassislar nazorati ostida xavfsizlik qoidalariga rioya qilgan holda montaj ishlarini yakunlash.

⚫️Xalq o‘z hissasini qo‘shganda, mutasaddi tashkilotlar texnika va ishchi kuchi bilan ko‘mak bermasligi adolatdan emas. Masala to‘liq hal etilgunga qadar nazoratimizda bo‘ladi.