Xalq deputatlari Parkent tuman Kengashiga 17-“Bo‘rsiliq” saylov okrugidan saylangan deputat, doimiy komissiya raisi Muxitdinov Xusnitdin Muxitdinovich tomonidan Parkent tumani Yo‘llardan foydalanish korxonasi davlat muassasasi rahbari F. Axmadxonovga deputat so‘rovi yuborildi.
🚸 So‘rovda, avvalo, Navro‘z MFY hududidagi Sho‘rob ko‘chasida piyodalar xavfsizligini ta’minlash masalasiga e’tibor qaratilgan.
🛣 Mazkur hududda 700 metr uzunlikdagi piyodalar yo‘lakchasi mavjud bo‘lib, undan 10- va 43-sonli maktablar hamda xususiy bog‘chalarga qatnaydigan bolalar muntazam foydalanadi.
⚠️ Shu sababli mavjud piyodalar o‘tish joyida yo‘l chiziqlarini chizish va svetofor o‘rnatish masalasini hal etish so‘ralgan.
🚦 Shuningdek, Parkent–Krasnogorsk–Zarkent yo‘nalishlari kesishmasidagi chorrahaga ham svetofor o‘rnatish masalasi ko‘tarilgan. Mazkur chorrahada transport harakati faol bo‘lib, yo‘l-transport hodisalarining oldini olish uchun harakatni tartibga solish zarurati mavjud.
✅ Ushbu takliflarning amalga oshirilishi bolalar va piyodalar xavfsizligini ta’minlash, transport harakatini tartibga solish hamda yo‘l-transport hodisalarining oldini olishga xizmat qiladi.
✅ Deputat so‘rovida mazkur masalalar yuzasidan ko‘rilgan choralar va belgilangan vazifalar haqida qonunchilikda belgilangan tartibda asoslantirilgan ma’lumot taqdim etish so‘ralgan.
⚠️ Aholi murojaatlarida ko‘tarilayotgan muhim masalalarni amaliy yechimga yo‘naltirish — deputatlik faoliyatining muhim yo‘nalishlaridan biridir.