Xalq deputatlari Qo‘qon shahar Kengashi deputati B.Usmonov tomonidan “To‘xlimergan” mahalla fuqarolar yig‘inida navbatdagi aholi qabuli tashkil etildi.

Qabul davomida fuqarolar bilan ochiq muloqot o‘tkazilib, hududdagi mavjud muammolar, aholini qiynab kelayotgan masalalar hamda ularni hal etish yo‘llari yuzasidan fikr almashildi.

Qabul jarayonida “To‘xlimergan” MFY, Xamza Umarov ko‘chasi 23-uyda yashovchi fuqaro Melqo‘ziyev Azizjon tomonidan xonadonini ta’mirlash bo‘yicha amaliy yordam so‘rab murojaat qilindi.

Mazkur murojaat yuzasidan fuqaro Melqo‘ziyev Azizjonning turmush o‘rtog‘i bilan ham suhbatlashilib, oilaning mavjud sharoiti va xonadonni ta’mirlashga bo‘lgan ehtiyoji atroflicha o‘rganildi.

Deputat tomonidan murojaat batafsil ko‘rib chiqilib, uni amaldagi qonunchilik doirasida hal etish, masalani tegishli tashkilotlar bilan hamkorlikda o‘rganish hamda imkoniyatlardan kelib chiqqan holda amaliy choralar ko‘rish bo‘yicha tegishli vazifalar belgilandi.

Xalq deputatlari Qo‘qon shahar Kengashi