Xalq deputatlari Payariq tumani Kengashi

35 yil

Yagona vatan, yagona xalq bo'lib, yangi hayot va kelajak yaratamiz!

Yangiliklar

So‘ngi yangiliklar

Xalq deputatlari tuman Kengashi deputati tomonidan 2027-yilda tasdiqlanadigan dasturlarga takliflar kiritildi

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov tomonidan G‘allakor mahallasida fuqarolar bilan uchrashuv o‘tkazilib, aholi murojaatlari o‘rganildi.

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov tomonidan navbatdagi sessiya kun tartibidagi masala yuzasidan G‘allakor mahallasida o‘rganish olib borildi.

Uchrashuv davomida fuqarolardan kelib tushayotgan murojaatlarni o‘z vaqtida ko‘rib chiqish, ularning qonuniy manfaatlarini ta’minlash, murojaatlarni tegishli tashkilotlar bilan hamkorlikda hal etish, shuningdek, davlat xizmatlaridan foydalanishda fuqarolarga qulayliklar yaratish masalalariga alohida e’tibor qaratildi.

Xalq deputatlari Payariq tumani Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi o‘rinbosari Z.Turdiyev hamda viloyat Kengashi deputati S.Norboyeva tomonidan 245-sonli qaror ijrosi doirasida amalga oshirilayotgan ishlar o‘rganildi.

Xalq deputatlari Payariq tumani Kengashining 12-Yangiobod saylov okrugidan saylangan deputati N.Parmanova tomonidan hududdagi maktabgacha ta’lim tashkilotida tarbiyalanuvchilar uchun yaratilgan sharoitlar hamda ta’lim-tarbiya jarayoni o‘rganildi.

Xalq deputatlari Payariq tumani Kengashining 3-Paxtakor saylov okrugidan saylangan deputati M.Musurmanov tomonidan Guliston mahallasidagi ko‘chalarda olib borilayotgan asfalt qoplama ishlarining borishi o‘rganildi.

Maniobod, Sorisuv va Oqqo‘rg‘on mahalla fuqarolar yig‘inlaridan kelib tushgan murojaatlar deputat tomonidan o‘rganildi.

Xalq deputatlari Payariq tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi o‘rinbosari L. Djamalova hamda tuman Qurilish va uy-joy kommunal xo‘jaligi bo‘limi bosh mutaxassisi tomonidan Chelak shahri avtomobil yo‘lini ta’mirlashning 2-bosqichida amalga oshirilayotgan ishlar o‘rganildi.

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi A. Maxammatov tomonidan tuman soliq inspeksiyasida O‘zbekiston Respublikasi Vazirlar Mahkamasining 2020-yil 11-dekabrdagi “Mahalliy davlat hokimiyati organlari tomonidan soliq to‘lovchilarning soliq to‘lash muddatlarini o‘zgartirish tartibi to‘g‘risida nizomni tasdiqlash haqida”gi 776-son qarori ijrosi yuzasidan o‘rganish olib borildi.

🔵Yangi imkoniyatlar va ulkan marralar sari

🗣️Prezidentimizning mamlakatimiz tadbirkorlari bilan o‘tkazgan oltinchi ochiq muloqoti tafsilotlari bilan tanishar ekanman, keyingi yillarda xususiy mulk va tadbirkorlikni qo‘llab-quvvatlash borasida amalga oshirilgan keng ko‘lamli islohotlar o‘zining amaliy natijalarini berayotganiga yana bir bor ishonch hosil qildim.

Davlatimiz rahbari ta’kidlaganidek, so‘nggi yillarda soha vakillari manfaatlarini ta’minlashga qaratilgan 84 ta qonun, 861 ta farmon va qaror qabul qilindi. Bu hujjatlar tadbirkorlik faoliyati uchun yanada qulay shart-sharoitlar yaratib, biznesni rivojlantirishning mustahkam huquqiy asosini shakllantirdi. Eng muhimi, tadbirkorlikni qo‘llab-quvvatlash endilikda davlat siyosatining ustuvor yo‘nalishlaridan biriga aylandi.

Buning amaliy ifodasini aniq raqamlar misolida ham ko‘rish mumkin. Jumladan, mamlakatimizda biznes uchun ajratilgan kredit portfeli so‘nggi yillarda uch baravarga oshib, 450 trillion so‘mga yetdi. Shuningdek, tadbirkorlar tomonidan 650 trillion so‘mlik soliq va bojxona imtiyozlaridan foydalanilgani davlat tomonidan ko‘rsatilayotgan keng qamrovli ko‘makning yaqqol dalilidir.

Ayniqsa, yurtimiz tadbirkorlarining o‘z loyihalarini amalga oshirish uchun xorijiy banklardan mustaqil ravishda 1 milliard dollar mablag‘ jalb qilgani sohaning salohiyati va investisiyaviy jozibadorligi ortib borayotganidan dalolat beradi.

Xorazm viloyatida bo‘lib o‘tgan bu yilgi ochiq muloqotda qariyb 500 nafar tadbirkor bevosita ishtirok etdi. Ilk bor tumanlarda tashkil etilgan studiyalar orqali 25 mingga yaqin biznes vakili muloqot jarayoniga qo‘shildi. Bu esa tadbirkorlarning taklif va tashabbuslarini eshitish, ularning muammolariga yechim topish borasida mutlaqo yangi yondashuv shakllanganini ko‘rsatadi.

Ochiq muloqot davomida ilgari surilgan tashabbuslar va belgilab berilgan vazifalar tadbirkorlik sohasini yanada rivojlantirish, ishbilarmonlik muhitini yaxshilash hamda yangi ish o‘rinlari yaratishga xizmat qilishi shubhasiz. Bu esa mamlakatimiz tadbirkorlarini yanada faol, tashabbuskor va yuksak marralar sari intilishga undaydi.🗣️