Shu maqsadda, Xalq deputatlari Termiz shahar Kengashining 24-«Abdurahmon Jomiy» saylov okrugi deputati A.Tog‘aymuratov hamda Kengash kotibiyati bosh mutaxassisi A.Temirov Termiz shahridagi «Abdurahmon Jomiy» mahallasida bo‘lib, mahalla yoshlar yetakchisining faoliyatini o‘rgandilar.
O‘rganish jarayoni O‘zbekiston Respublikasining 2016-yil 14-sentabrdagi O‘RQ–406-sonli “Yoshlarga oid davlat siyosati to‘g‘risida”gi Qonuni talablari asosida tashkil etildi. Unda yoshlar yetakchisi tomonidan davlat yoshlar siyosatini joylarda samarali amalga oshirish, yoshlarning bandligini ta’minlash, ularni kasb-hunarga yo‘naltirish, tadbirkorlikka jalb etish, bo‘sh vaqtini mazmunli tashkil etish hamda iqtidorli yoshlarni qo‘llab-quvvatlash borasida amalga oshirilayotgan ishlar atroflicha tahlil qilindi.
Shuningdek, mahalladagi uyushmagan yoshlar bilan ishlash, “Yoshlar daftari”ga kiritilgan fuqarolarni qo‘llab-quvvatlash, yoshlarning muammolarini o‘z vaqtida aniqlash va hal etish, ularni sport, madaniyat hamda ma’naviy-ma’rifiy tadbirlarga keng jalb etish bo‘yicha olib borilayotgan amaliy ishlar samaradorligi muhokama qilindi.
Monitoring yakunida yoshlar bilan ishlash tizimini yanada takomillashtirish, qonun hujjatlarida belgilangan vazifalar ijrosini sifatli ta’minlash hamda yoshlarning ijtimoiy faolligini oshirish yuzasidan tegishli tavsiya va takliflar berildi. Deputatlik nazorati tadbirlari doirasida yoshlar siyosatini joylarda samarali amalga oshirish ustuvor vazifalardan biri ekani alohida ta’kidlandi.