🏐 Yosh voleybolchilar munosib taqdirlandi

🔹 Sportning voleybol turi bo‘yicha o‘smirlar o‘rtasida o‘tkazilgan U-13 Samarqand viloyat chempionatida Oqdaryo tumani jamoasi munosib ishtirok etib, faxrli II o‘rinni qo‘lga kiritdi.

🔹 Yosh sportchilarni tantanali taqdirlash marosimida tuman hokimi o‘rinbosari B.Isaxonov, tuman IIB mas’ul xodimi, Xalq deputatlari tuman Kengashi kotibiyat mudiri D.Adilova hamda tuman sport maktabi rahbariyati ishtirok etdi.

🔹 Tadbir davomida so‘z olganlar tomonidan mamlakatimizda yoshlar sportini rivojlantirish, sog‘lom va barkamol avlodni tarbiyalash borasida keng ko‘lamli islohotlar amalga oshirilayotgani alohida ta’kidlandi.

🔹 Jumladan, Prezidentimiz tashabbuslari va qarorlari asosida yoshlarning sport bilan muntazam shug‘ullanishi uchun zamonaviy shart-sharoitlar yaratilayotgani, sport maktablari faoliyati qo‘llab-quvvatlanayotgani hamda iqtidorli sportchilarni rag‘batlantirishga katta e’tibor qaratilayotgani qayd etildi.

🔹 Shuningdek, sport — yoshlarni vatanparvarlik, intizom va qat’iyat ruhida tarbiyalovchi muhim yo‘nalish ekani, erishilgan yutuqlar esa kelgusida yanada katta marralarni zabt etish uchun mustahkam motivatsiya bo‘lishi ta’kidlandi.

🔹 Tadbir yakunida musobaqada yuqori natija qayd etgan yosh sportchilar diplom va esdalik sovg‘alari bilan taqdirlanib, ularning kelgusidagi sport faoliyatiga omad va ulkan zafarlar tilandi.

📌 Oqdaryo yoshlari sport maydonlarida yangi yutuqlar sari intilmoqda.