Nókis rayonı hákimliginiń májilisler zalında Xalıq deputatları Nókis rayonlıq Keńesiniń gezektegi jetinshi shaqırıq jigirma ekinshi sessiyası bolıp ótti.

Sessiya jumısına rayonlıq Keńes deputatları hám tiyisli taraw basshıları, jergilikli ǵalaba xabar quralları wákilleri qatnastı.

Sessiyanıń kún tártibindegi dáslepki másele Nókis rayonı mektepke shekemgi hám mektep bilimlendiriw bólimi tárepinen 2026-jıldın 6 ayı dawamında ámelge asırılǵan jumıslarınıń esabatı haqqında Nókis rayonı mektepke shekemgi hám mektep bilimlendiriw bólimi baslıǵı M.Tadjetovtıń málimlemesi tıńlandı.

Keyingi másele Nókis rayonı medicina birlespesi tárepinen 2026-jıldın 6 ayı dawamında ámelge asırılǵan jumısları boyınsha Nókis rayonı medicina birlespesi baslıǵı w.w.a B.Bekeevanıń esabatı tıńlandı.

Bunnan soń Nókis rayonında suwdan paydalanıwshılar kesiminde 2026-jıl vegetaciya dáwirinde awıl xojalıǵı eginlerin suwǵarıw ushın suw alıw limitlerin tastıyıqlaw haqqında Nókis rayonı “Suw jetkerip beriw xızmeti” mámleketlik mákemesi direktorı I.Reypnazarov deputatlarǵa esabat berdi.

Kún tártibinde Nókis rayonı hákimligi janındaǵı “Infrastruktura hám sociallıq turaqlılıq” qorı esabınan qarjı ajıratıw boyınsha Nókis rayonı “Insan” sociallıq xızmetler orayı direktorı w.w.a S.Xojaxmetov málimlemesi tıńlandı.

Sońǵı másele Ózbekstan Respublikası Ministrler Kabinetiniń 2025-jıl 18-sentyabrdegi “Awıl xojalıǵına mólsherlengen jerlerden paydalanıw boyınsha mámleketlik xızmetlerin kórsetiw sistemasın bunnan bılay da jetilistiriw haqqında”ǵı 594-sanlı qararınıń Nókis rayonında orınlanıwın támiyinlew haqqında Kadastrlar palatası Nókis rayonı bólimi baslıǵı A.Jumaniyazovtıń esabatı tıńlandı.

Kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha rayonlıq Keńes deputatları tárepinen tiyisli qararlar qabıl etildi.