Xalq deputatlari Payariq tumani Kengashi

Yangiliklar

So‘ngi yangiliklar

Navbatdagi yigirma sakkizinchi sessiya chaqirilmoqda

Xalq deputatlari Payariq tumani Kengashi tomonidan 8-12-iyun kunlari belgilangan ish rejasining ijrosi doirasida bir qator ishlar amalga oshirildi.

Raxmonova Xusniya Usmonovnaning deputatlik so‘roviga tuman hokimining o‘rinbosari Quvatov Ulug'bekdan javob olindi.

Xalq deputatlari Samarqand viloyati Kengashi deputatlari Z.Yusupova va S.Norboyeva hamda tuman Kengashi deputati N.Ochilovalar tomonidan Xalq deputatlari Samarqand viloyati Kengashining 2026-yil 13-fevraldagi VII-26-25-7-0-K/26-son qarori ijrosi yuzasidan o‘rganish olib borildi.

Xalq deputatlari Payariq tumani Kengashi deputati X.Raxmonova tomonidan Bobur mahallasida istiqomat qiluvchi fuqarolarning 90-sonli umumta’lim maktabi hamda 31-sonli maktabgacha ta’lim tashkilotiga olib boruvchi yo‘lni ta’mirlash bo‘yicha murojaati joyiga chiqqan holda o‘rganildi.

Deputatlar tomonidan O‘zbekiston Respublikasining “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi O‘RQ-937-sonli Qonuni ijrosi yuzasidan Payariq tumanida amalga oshirilayotgan ishlar o‘rganildi.

Xalq deputatlari tuman Kengashi deputati F.Shakarov tomonidan Yangiobod mahallasidagi oilaviy poliklinikada o‘rganish ishlari olib borildi.

Xalq deputatlari tuman Kengashi deputati F.Shakarov tomonidan Yangiobod mahallasida joylashgan 12-son maktabgacha ta’lim tashkilotida o‘rganish ishlari olib borildi.

Xalq deputatlari Payariq tumani Kengashi deputati F.Dehqonova Bunyodkor mahallasida xotin-qizlar faoli tomonidan amalga oshirilayotgan ishlar samaradorligi bilan yaqindan tanishdi.

Xalq deputatlari tuman Kengashining agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi kotibi F.Shakarov tomonidan 10-son umumta’lim maktabida o‘rganish ishlari olib borildi.

Ichki yo‘llarni saqlash va joriy ta’mirlash ishlari ijrosi atroflicha tahlil qilindi

Yig‘ilishda shahar Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlarini amalga oshirish bo‘yicha 2026-yilga mo‘ljallangan manzilli dastur ijrosi, amalga oshirilayotgan ishlar, mavjud muammolar hamda istiqboldagi vazifalar atroflicha tahlil qilindi.

Muhokamalar davomida ichki yo‘llarning texnik holati, ta’mirlash ishlarining sifati va samaradorligi, ajratilgan mablag‘lardan maqsadli foydalanish, shuningdek, aholining ushbu yo‘nalishdagi murojaatlari va ehtiyojlari yuzasidan fikr almashildi. Deputatlar tomonidan ichki yo‘llarni ta’mirlashda ustuvorlik mezonlariga qat’iy rioya etish, ishlarni o‘z vaqtida va sifatli bajarish yuzasidan qator taklif hamda tavsiyalar bildirildi.

Yig‘ilish yakunida masala yuzasidan tegishli xulosalar qabul qilinib, 2026-yilga mo‘ljallangan manzilli dastur ijrosini samarali tashkil etish hamda nazoratni kuchaytirish bo‘yicha mas’ullarga tegishli tavsiyalar berildi.

Slide 1 of 7