“Paxtakor” mahallasida joylashgan 9-OSHP binosida olib borilgan qurilish va ta’mirlash ishlari yakunlangan bo‘lishiga qaramay, bir qator kamchiliklar hanuzgacha bartaraf etilmaganligi sababli bugun deputat tomonidan tanqidiy o‘rganish ishlari olib borildi.

O‘rganish jarayonida bino holati joyida ko‘zdan kechirilib, qator muammolar aniqlandi. Xususan, yangi hojatxona foydalanishga topshirilgan bo‘lsa-da, kanalizatsiya tizimi ishlamagani sababli undan foydalanish imkoni mavjud emas. Suv ta’minoti yo‘qligi, eshik oynalari o‘rnatilmagani hamda ularning soz holatda emasligi qayd etildi.

Shuningdek, eski hojatxona avariya holatida bo‘lib, uning yon tomonlari o‘pirilganligi sababli undan foydalanish xavfli ekani aniqlandi. Aristonga suv yetib bormasligi, suv yig‘ish uchun maxsus idish (bochka) o‘rnatilmagani hamda emlash xonasi va shifokor qabulxonasida qo‘l yuvish rakovinasi mavjud emasligi qayd etildi.

Bundan tashqari, chiqish zinasi yonidagi kafel qoplamalarining shikastlangani va ayrim qismlari qulab tushganligi aniqlanib, holat tanqidiy o‘rganildi.