Deputatlik nazorati: "Toza hudud" DUK faoliyati o‘rganildi

Xalq deputatlari Termiz tuman Kengashi deputatlariga biriktirilgan tashkilotlar faoliyatini tahlil qilish va aholiga ko‘rsatilayotgan xizmatlar sifatini o‘rganish ishlari davom etmoqda.

Navbatdagi o‘rganish tuman Kengashi deputatlari Sh.Norsayev, G.Shafoatova hamda bosh mutaxassis K.Abdullayeva ishtirokida “Toza hudud” DUK tuman filialida tashkil etildi.

O‘rganish davomida quyidagilarga e’tibor qaratildi:

Korxonaning texnik imkoniyatlari va maxsus texnikalarning shayligi.

Hududlardan chiqindilarni olib chiqish grafigiga rioya etilishi.

Aholi va tadbirkorlik sub’ektlari bilan tuzilgan shartnomalar ijrosi hamda debitor qarzdorlik holati.

Muloqot davomida sohada uchrayotgan muammolar tinglanib, xizmat ko‘rsatish qamrovini yanada kengaytirish va sifatni yaxshilash bo‘yicha tavsiyalar berildi.

Ma’lumot uchun: Tasdiqlangan ish rejasi asosida deputatlar tomonidan biriktirilgan tashkilot va muassasalardagi o‘rganish ishlari har kuni davom ettirilmoqda.